Էրգոթերապիա

Էրգոթերապիան բավականին երիտասարդ մասնագիտություն

է Հայաստանում: Ըստ Էրգոթերապիստների Ամերիկյան Ասոցիացիայի, Էրգոթերապիան մի մասնագիտություն

է, որն օգնում է անձին ինքնուրույնություն ձեռք բերել կյանքի բոլոր ոլորտներում: Իսկ

այդ ոլորտներն են աշխատանքը, ինքնախնամքը և հանգիստը:

Էրոգոթերապիստներն աջակցում են անձին զարգացնել նրա առօրյա աշխատանքային հմտությունները, որոնք անհրաժեշտ են անկախ և բավարարված կյանք ունենալու համար: Թերապիստներն աշխատում են երեխայի հետ բազմամասնագիտական խմբում, գնահատելով, կիրառելով և վերահսկելով

մանր և խոշոր մոտորկայի, ինքնախնամքի և զգայական ինտեգրացիայի հետ կապված նպատակները,

որոնք դուրս են բերվում երեխայի կարիքներից ելնելով: Թերապիան բավականին մեծ ազդեցություն

է ունենում յուրաքանչյուր երեխայի համար, նրանց դարձնելով առավելագույնս ազատ հետևյալ

ոլորտներում.

Ինքնախնամք (որն իր մեջ ներառում է հագնվել/հանվելու, լվացվելու, ուտելու, լոգանք ընդունելու, զուգարանից օգտվելու և այլ հմտություններ),
Խոշոր մոտորիկան զարգացնող հմտություններ,
Մանր մոտորիկան զարգացնող հմտություններ,
Զգայական ինտեգրացիոն հմտություններ: