Հեքիաթաթերապիա

   Հիշու՞մ եք ձեր մանկական տպավորությունները կախարդական հեքիաթներից: Իսկ ինչպե՞ս էիք անհանգստանում գլխավոր հերոսների համար, ինչպե՞ս էիք նրանց հետ հաղթահարում խոչընդոտները, ուրախանում էիք նրա հաջողություններով և հաղ­թանակով:

  Սովորաբար հեքիաթային հերոսների հետ սովորում ենք տարբերել բարին ու չա­րը, քաջությունն ու վախկոտությունը, բարեհոգությունն ու դաժանությունը, հավա­տար­մությունն ու դավաճանությունը: Հենց մոգական հեքիաթների, պատմությունների շնոր­հիվ է, որ արթնանում է  երեխայի երևակայությունն ու ֆանտազիան և  մարմնավորելով հերոսներին, միասին բացահայտում են ճշմարտությունը, հաղթահարում են փոր­ձու­թյունները, դիմակայում են հարձակումներին, ինչպես նաև թվացյալ անելանելի իրա­վի­ճակների համար գտնում են ելքեր:

 Ժամանակակից երեխաները ևս հեքիաթները լսելով բացահայտում են աշխարհն ու փորձ են ձեռք բերում: Ավստրալացի հայտնի հոգեբան Դ. Բրետը գրում էր, որ «երեխաները մոգական պատմություններում գտնում են իրենց կյանքում տեղի ունեցած  իրադարձությունների արձագանքը: Նրանք ձգտում են օգտվել հեքիաթային հերոսների օրինակից, ով պայքարում էր իր վախերի և խնդիրների դեմ: Բացի այդ էլ, հեքիաթները երեխաներին հույս են ներշնչում, որը համարվում է կարևորագույն գործոն: Երեխան, ով զրկվել է հույսից, հրաժարվում է պայքարից և երբեք հաջողություն չի ունենում»:

            Յուրաքանչյուր հեքիաթում որպես կանոն առկա են հետևյալ տարրերը.

v  Հերոս կամ հերոսներ,

v  Սյուժետ,

v  Կոնֆլիկտ,

v  Լուծում:

   Բայց հեքիաթն այն դեպքում է դառնում թերապևտիկ, երբ երեխան նույնացվում է հերոսների հետ, համեմատում է հեքիաթի սյուժետը իր կյանքի հետ, ինչպես նաև ձեռք է բերում փորձ կամ հասկանում է թաքցված հաղորդագրությունը:

  Վերջին ժամանակաշրջանում հոգեբանները առավել հաճախ են երեխաների հոգեբանական խնդիրների պարզաբանման համար թերապևտիկ հեքիաթներ օգտագործում: Երբեմն այդ հեքիաթները հիշեցնում են ժողովրդական կամ հայտնի հեղինակների հեքիաթներ, իսկ երբեմն էլ չեն ունենում գրական նշանակություն: Շատ հաճախ այն մարդիկ, ովքեր  ծանոթ չեն հոգեթերապիայի գործընթացին, կարող են այն համարել  ան­հասկանալի և ոչ բովանդակալից: Բայց անկախ բովանդակությունից, թերապևտիկ հեքիաթ­ները ձգտում են օգնել երեխաներին, որպեսզի նրանք կարգավորեն իրենց ներքին աշխարհը, իմանան որևէ նոր բան և իրականացնեն իրենց ցանկալի փո­փո­խությունները:

   Այս երևույթների բացատրություններից մեկը կայանում է այն, որ հեքիաթի իմաստն ընկալվում է միաժամանակ երկու մակարդակով` գիտակցականով և ենթագիտակցականով: Գիտակցականը հեքիաթն ընկալում է այնպես, ինչպես որ այն կա. երեխան հաղորդակից է լինում հեքիաթային հերոսների ցավին, մտածում է, որ միևնույն է այն իր մասին չէ, դա միտումնավոր է: Ենթագիտակցությունը «հավատում է» իր լսածին և տալիս է վարքի փոփոխման համապատասխան ծրագիրը՝ վերակարգավորում է արժեքները, հայացքները և դիրքորոշումը:

   Հեքիաթաթերապիայ միջոցով հնարավոր է վերացնել երեխայի վախերը, գիշերային անքնուրունը, կամակորությունները, ճաշից հրաժարվելը, գիշերային զբոսանքները, գիշերամիզության որոշ դեպքեր, ագրեսիվությունը:

   Հեքիաթաթերապիան արդյունավետ միջոց է երեխային այս կամ այն իրավիճակին ու միջավայրին հարմարեցնելու համար: Օրինակ. երեխաները հաճախ են սթրեսներ ունենում ծնողների ամուսնալուծությունների, հարազատների կորուստենրի դեպքերում: Հեքիաթաթերապիան անփոխարինելի հոգեբանական միջոց է նրանց հոգեկանի խնդիրների լուծման և կարգավորման համար:

   Հարցերի համար դիմեք մեզ մեր ֆորումներում և կարող եք ստանալ օգտակար խորհուրդներ մասնագետներից:

Итак, твой результат: Алиса из страны чудес!

Немного странная, любопытная девочка, которая поможет тем, кто в этом нуждается.О тебе:Любишь помечтать, у тебя богатая фантазия.Тебе,может,уже говорили, что ты немного не от мира сего?

Пройти тест